Жаңы жылдык майрамдар алдында Министрлик жаш бейтаптар үчүн аниматорлордун катышуусунда майрамдык иш-чара уюштуруп, аларга белектер тапшырды.
Андан кийин министр балдарды, алардын ата-энелерин жана реабилитация борборунун кызматкерлерин куттуктап, медайымдар жана тарбиячылар үчүн сыйлыктар жана ыраазычылык каттарын тапшырды, ал эми балдарга жаңы жылдык белектер берилди.
Мындан тышкары, Досмамбетов 2026-жылдын апрелинен баштап дарыгерлердин айлыктарын 100 пайызга жогорулатуу пландары тууралуу маалымдады.
«Биз медициналык кызматкерлерге 5 миң ипотекалык батир берүү чечимине келдик, бул саламаттык сактоо тармагындагы социалдык шарттарды жакшыртууга, кадрдык курамды бекемдөөгө жана кесиптин жагымдуулугун жогорулатууга мүмкүндүк берет», - деп кошумчалады ал.
Министрдин орун басары Рыспек Сыдыгалиев Токмактагы борбордук реабилитациялык борбордун тарбиялануучуларына белектерди тапшырды. Уюмдун ишин колдоо үчүн 200 миң сомдук сертификат берилди.
