Министр мамлекеттик саясаттын приоритеттеринин бири сапаттуу дары-дармектерге адилеттүү жана туруктуу жеткиликтүүлүктү камсыз кылуу экенин белгиледи. Бул Туруктуу өнүгүү максаттарына жетүү менен түздөн-түз байланыштуу, айрыкча «Жакшы саламаттык жана бакубаттык» максаты менен. Жолугушуу учурунда сатып алуулардагы ачыктык жана коррупцияны алдын алуу чараларына өзгөчө көңүл бөлүндү.
Досмамбетовдун айтымында, дары сатып алууга бөлүнгөн мамлекеттик каражаттар чоң суммада, жана алардын рационалдуу жана ачык пайдаланылышы милдети турат. Ал сатып алуулар тармагында адилеттүү өз ара аракеттенүүнү түзүү жана адал эмес практикаларды жоюу үчүн системалык өзгөртүүлөрдүн зарылдыгын баса белгиледи.
Партнер уюмдардын өкүлдөрү эл аралык стандарттарды сатып алуулар, жеткирүү чынжырларын башкаруу, санариптик чечимдерди колдонуу, фармаконадзор жана саламаттык сактоо системасынын институттук потенциалын өнүктүрүү жаатында колдоону күчөтүүгө даяр экенин билдиришти. Жолугушуунун жыйынтыгы боюнча катышуучулар дары-дармек коопсуздугун жакшыртууга жана бейтаптардын кызыкчылыктарын коргоого багытталган конкреттүү жана өлчөнүүчү натыйжаларды баса белгилеп, Өз ара түшүнүшүү меморандумунун жоболорун ишке ашыруу боюнча биргелешкен ишти улантууга макулдашышты.
