Жиында жеке клиникалар үчүн ыңгайлуу шарттарды түзүү, заманбап медициналык технологияларды киргизүү жана медициналык адистердин квалификациясын жогорулатууга көңүл бурулду.
Каныбек Досмамбетов белгилегендей: «Жеке сектордун өнүгүшү мамлекеттик системанын альтернативасы эмес, анын маанилүү кошумчасы болуп саналат. Биз өлкөбүздүн ичинде жарандарга сапаттуу медициналык кызматтарга жеткиликтүүлүктү камсыз кылышыбыз керек, чет өлкөгө чыгуу зарылдыгын болтурбашыбыз керек».
Жиынды жыйынтыктоо боюнча конструктивдүү диалогду улантуу жана жеке саламаттык сактоо секторунун туруктуу өнүгүшүнө багытталган сунуштарды түзүү боюнча биргелешкен аракеттерди жүргүзүү чечими кабыл алынды.
