2026-жылдын 1-9-январь күндөрү, Жаңы жылдык каникул учурунда, медициналык мекемелер адаттагыдай режимде жооптуу кызматкерлердин кезектери менен иштейт. Стационарларда тез жардам көрсөтүү үчүн 24 сааттык кызмат көрсөтүү камсыздалат, тез жардамга госпитализация үчүн орундар резервделет, ошондой эле керектүү дары-дармектер жана медициналык буюмдар менен камсыздалат.
Амбулатордук жардам деңгээлинде, үй-бүлөлүк медицина борборлорунда жана үй-бүлөлүк дарыгерлер тобунда, 1-9-январь күндөрү 08:00дөн 18:00гө чейин кезектеги кызматтар уюштурулат. Процедуралык кабинеттер 14:00гө чейин иштейт.
Бишкекте, Ошто жана башка аймактарда тез медициналык жардам 24 саат бою иштейт. Ошондой эле санитардык авиациянын жана санитардык-эпидемиологиялык кызматтар менен лабораториялардын адистеринин кезектери камсыздалат.
Министрликте белгиленгендей, жаңы жылдык майрамдарда медициналык жардам убагында жана толук көлөмдө көрсөтүлөт, жарандарды керектүү учурда медициналык мекемелерге кайрылууга чакырышты.
