Буга чейин билим берүү тармагындагы бардык кызматкерлер бир эле учурда жогорулатуу алган эмес.
2026-жылдын 1-апрелинен баштап бардык педагогдор жана билим берүү мекемелеринин кызматкерлеринин айлык акысы жогорулатылат. Бул тууралуу билим берүү министри Догдуркул Кендирбаева билдирди.
Министрдин айтымында, жогорулатуу мугалимдерге, бала бакчалардын тарбиячыларына, ошондой эле мектептердин жана квалификацияны жогорулатуу институттарынын кызматкерлерине жана администрациясына, анын ичинде Билим академиясына тиешелүү болот.
«Буга чейин айлык акынын жогорулатуусу класс жетекчилери, бала бакча директорлору жана социалдык педагогдор сыяктуу кызматкерлерди камтыган эмес. Бул жолу биз билим берүү системасында иштеген бардык адамдардын эмгек акысынын жогорулатылышын пландап жатабыз», - деп баса белгиледи Кендирбаева.
Эскерте кетсек, IV Элдик курултайда президент Садыр Жапаров мугалимдер жана врачтар үчүн келерки жылы айлык акыны жогорулатуу пландары жөнүндө жарыялады.
Сүрөт www
