Ал министрлик жаш жана демилгелүү адистерди билим берүү тармагына тартууга активдүү аракет кылып жатканын, бирок мамлекеттик каражаттар менен билим алган айрымдардын мекенине кайтып келбестигин белгиледи.
«Биз мамлекеттик каражаттар менен даярдалган кадрлардын кайтып келүүсүн күтүп жаттык, бирок алардын көпчүлүгү такыр келген жок. Бул өлкөгө болгон совесть жана жоопкерчилик маселеси. Мен аттарын атабайм, алар өздөрү баарын түшүнүшөт», — деп кошумчалады Кендирбаева.
Ошондой эле министр чет өлкөдө иштеп жаткан педагогдорго Кыргызстанда жогорку кызматтар сунушталганын, бирок алардын көпчүлүгү жетишсиз айлык акыдан улам баш тартканын билдирди.
Кендирбаева ошондой эле өлкөдө иштөөгө даяр адистер үчүн социалдык ипотека жана айлыктарды пландуу жогорулатуу сыяктуу ар кандай колдоо чаралары каралганын баса белгиледи.
Ал 2024-жылдан баштап мугалимдердин айлыктарын эки эсе жогорулатуу пландалып жатканын эске салды.
«Бул маанилүү колдоо, бирок ошондой эле чоң жоопкерчилик. Айлыкты жогорулатуу — бюджет үчүн олуттуу жана чечкиндүү кадам», — деп белгиледи министр.
