Ведомствонун маалыматына ылайык, жумуш издегендер бул порталдан бош орундар, алардын талаптары, ошондой эле эмгек акынын деңгээли тууралуу маалыматтарды ала алышат жана түздөн-түз жумуш берүүчүлөргө кайрылышат.
Мындан тышкары, жарандар 1221 кыска номерине чалып, бош орундар жана жумушка орношууга жардам берүү чаралары тууралуу маалымат ала алышат. Сыртка миграцияга байланыштуу суроолорду 1899 номерине берүү мүмкүн.
Элдик курултайда Россиядан келген делегат Кубанычбек Осмонбетов мигранттардын мекенине кайтып келүүсүндөгү кыйынчылыктар тууралуу пикир бөлүштү.
«Кыргызстандын өнүгүп жатканын угуп жатабыз, мигранттарды мекенине кайтып келип иштөөгө чакырышууда. Бирок кайтып келүүнү каалагандар үчүн шарттар жок. Мен Эмгек министрлигинде кыска номер түзүүнү сунуштайм, ошондо өлкөнүн бардык айылдары жана райондорунан бош орундарды бир жерге топтой алабыз. Ошентип, биздин мекендештерибиз чалып, бош орундар тууралуу маалымат алып, иштегени келе алышат», — деди ал.
