«Азыр өлкөдө квалификациялуу кадрлардын жетишсиздиги байкалууда. Бюджеттик негизде жогорку окуу жайларын аяктаган адамдар үчүн милдеттүү иштөө шартын киргизүү зарыл. Мамлекет алар менен контрактылар түзүшү керек. Бул советтик мезгилдеги практикага окшош. Жаш адистерге тиешелүү жеңилдиктерди берүү керек», — деди ал.
Мурда Саламаттык сактоо министрлиги мамлекеттик мекемелерде беш жылдык стажы жок дарыгерлерге жеке клиникаларда иштөөгө тыюу салган мыйзам долбоорун сунуштаган.
Учурда Жогорку Кенештин мүчөлөрү Гульзат Исаматованы илим, жогорку билим жана инновациялар министри кызматына сунуш кылууну талкуулап жатышат.
