Анын педагогикадагы жалпы стажы 22 жылды түзөт.
«Мен 1980-жылы төрөлгөм. 1997-жылы орто мектепти аяктагандан кийин Иссык-Куль мамлекеттик университетинин К.Тыныстанов атындагы искусстволор факультетине тапшырдым. Карьерамды Караколдогу балдар билим берүү борборунда баштап, кийин Ак-Суй районуна которулдум, азыркыга чейин ошол жерде иштеп жатам. Балдар үчүн «скульптура жана сувенирлер» кружогун алып барам», - деди Илебаева.
Ал өз окуучуларын керексиз нерселерден жаңы буюмдарды жаратууга шыктандырат, бир эле учурда аларды ар кандай материалдар менен иштөө жөндөмдөрүнө үйрөтөт.
«Менин үч группамда болжол менен 50 бала билим алат. Биз кагаз, пластик бөтөлкөлөр жана полиэтилен пакеттерди колдонобуз. Буга чейин ар кандай кол өнөрчүлүктөрдү жасап келгенбиз, бирок 2020-жылы, пандемия учурунда, материалдарды сатып алууда кыйынчылыктар болду. Ошондуктан биз көбүнчө таштандыга жөнөтүлгөн керексиз нерселерди кайра иштетүүгө кириштик. Бул ыкма аркылуу биз калдыктарды азайтып, биздин иштерибизди көргөзмөлөргө коюп жатабыз. Окуучуларымдын иштеринин ар кандай конкурстарда, анын ичинде райондук, облустук жана эл аралык деңгээлде сыйлык алганын белгилеп кетким келет», - деди Гүлзат.
Ал ошондой эле окуучуларынын ар бир сабакты чыдамсыздык менен күтүп жатканын баса белгиледи.
«Мага чыгармачылык жөндөмдөрү жана көптөгөн идеялары бар балдар келишет. Эч ким аларды келүүгө мажбурлабайт, алар өздөрү сабактарды чыдамсыздык менен күтүшөт. Сабак аяктаганда, мен аларды чыгарууга кыйынчылык менен макул болом. Алар тарабынан жасалган сувенирлер негизинен жакындарына белекке берилет. Менин курсумда билим алган кыздардын кээ бири искусстволор боюнча билимдерин улантышты. Мен алар менен сыймыктанам», - деп кошумчалады Илебаева.
Гүлзат ошондой эле педагогикадагы жетишкендиктери үчүн жергиликтүү бийликтен жана Билим берүү жана илим министрлигинен Ардак грамоталарын алганын, ошондой эле билим берүү отличнигинин эмблемасын тагынганын белгиледи.
