Ал жарандардан айдоочулук күбөлүктөрүнө байланыштуу көптөгөн суроолор келип жатканын белгиледи.
«Бул боюнча мен түшүндүрмө берүүнү чечтим. Президенттин көрсөтмөсүнө ылайык, 15-январдан 15-февралга чейин эски мөөнөтсүз күбөлүктөрдү жаңы документтерге эч кандай чыгымсыз алмаштырууга болот. Мүмкүнчүлүктү колдон чыгарбаңыз жана бул иш менен мүмкүн болушунча эрте алектениңиз», — деп кошумчалады Туманбаев.
Жаңы үлгүдөгү айдоочулук укуктар 2025-жылдын ноябрынан тарта берилүүгө башталганы эске салынат. Мөөнөтсүз күбөлүктөрдү жаңысына алмаштыруу Мамлекеттик транспорт каражаттарын каттоо агенттигинде жана айдоочулук курамда мүмкүн.
