Ал мындай ордерлердин көп учурда формалдуу мүнөздө экенин айтып, алардын практикада кандайча аткарылары тууралуу суроо узатты.
Култаева: "Күн сайын үй-бүлөлүк зомбулуктун жаңы учурлары катталып жатат. Жабыркагандарга коргоо ордерлери берилсе да, алар көбүнчө кагазда гана калат. Алардын чыныгы аткарылышы үчүн кандай чаралар көрүлүүдө? Мындан тышкары, коргоо бардык үй-бүлө мүчөлөрүнө эмес, болгону аялдарга гана жайылтылат", - деди.
Ички иштер министринин орун басары Эркебек Аширходжаев Кыргызстанда үй-бүлөлүк зомбулук учурларынын саны өсүп жатканын моюнуна алды. Ал мыйзамдарда аялдарга жана балдарга карата зомбулук үчүн жазаларды күчөтүү боюнча чаралар көрүлүп жатканын, ошондой эле коргоо ордерлери менен байланышкан механизмдерди жакшыртуу боюнча иштер жүргүзүлүп жатканын кошумчалады.
Депутат ошондой эле жооптуу адамдардын мындай учурларга тиешелүү жоопкерчиликти алып-албаганына кызыкты.
Аширходжаев: "Эгер кызматкер каталарды кетирсе же кайдыгерлик көрсөткөн болсо, анын аракеттери кылмыш катары бааланса, ал жоопкерчиликке тартылат. Биз үй-бүлөлүк зомбулуктун ар бир учурун көзөмөлдөп жатабыз", - деп жооп берди.
Култаева акыркы алты айдагы үй-бүлөлүк зомбулук боюнча статистиканы сурады.
