Ташиев судьялардын чечимдери жеке байланыштарга же параларга негизделбеши керек экенин баса белгиледи. «Судьялар саясаттан алыс болуп, чечимдерин мыйзамдын негизинде кабыл алышы керек. Сот системасы өзүнүн катарларын тазалоо менен өзү алектениши зарыл. Бизде кээ бир судьялар саясатка активдүү кийлигишип, жогорку кызматтагы чиновниктерди талкуулап жатканы тууралуу маалымат бар. Жакын арада биз мындай адамдарга карата чараларды көрөбүз, материалдар даярдалды», — деди ал.
Ошондой эле, ал судьялардын айлык акысы тууралуу айтып өттү: райондук судья 250 миң сом, облустук соттун судьясы 300 миң сом, ал эми Жогорку соттун судьясы болжол менен 500 миң сом алат.
«Силерде жогорулатылган айлык акы жана жакшы иштөө шарттары бар, ошондуктан сиздер адилеттүү иштешиңиздер керек. Биз сиздердин ишмердүүлүгүңүздөрдү жакшылап көзөмөлдөп турабыз. Силерди коргой турган жалгыз мыйзам, башка эч кандай «крыша» жардам бербейт», — деп кошумчалады Камчыбек Ташиев, судьяларга кайрылып.
