Бишкектеги, тактап айтканда Свердлов районунда жүргүзүлгөн издөө-куткаруу иш-чараларынын натыйжасында ТЭЦтин техникалык каналына кулаган экинчи адамдын денеси табылды, деп билдирди Өзгөчө кырдаалдар министрлигинин маалымат кызматы.
31-декабрдан тарта операцияга 150 адам катышууда, алардын 90ы Өзгөчө кырдаалдар министрлигинин кызматкерлери. Издөө иштерине Бишкек шаардык Өзгөчө кырдаалдар башкармалыгынан 55 кызматкер, шаардык куткаруу кызматынын 18 куткаруучусу, Мамлекеттик куткаруучуларды даярдоо борборунун 5 кызматкери, ошондой эле Ысык-Ата районунун №27 өрт-куткаруу бөлүмүнөн 6 жана Чүй облусунун Аламүдүн районунун №1 бөлүмүнөн 7 куткаруучу тартылган.
Издөө иштерине ошондой эле 30 Ички иштер министрлигинин кызматкери жана 30 мэриянын кызматкери катышууда. Жалпы алганда операцияда 150 адам тартылган.
Өзгөчө кырдаалдар министри, генерал-лейтенант Бообек Ажикеев куткаруу иштеринин жүрүшүн жеке көзөмөлдөп жатат. Окуя болгон жерде аракеттерди координациялоону министрдин орун басары Эрнест Жусупов жүргүзүүдө.
Кошумча маалымат кийинчерээк берилет.
Маалымат үчүн, 2025-жылдын 30-декабрында үч жаран ТЭЦтин техникалык каналына кулашкан. Мурда алардын бири табылып, Ички иштер министрлигине өткөрүлүп берилген, ал эми эки адам — Ж. Ж. 1963-жылы туулган жана Ж. Т. 1966-жылы туулган — азырынча дайынсыз жоголгон катары эсептелүүдө.
