УККнын маалымат кызматынан билдиришкендей, 13-январда алдын ала тергөө иштеринин алкагында, АИС ЕРП системасында катталган иш боюнча, Жайыл районунун Ички иштер бөлүмүндө иштеген милиция капитаны Ж.А.Ж. кармалган. Ага кылмыш ишин токтотуу үчүн 150 миң сом талап кылуу боюнча айып коюлган.
Учурда кылмыш иши козголуп, жүргүзүлгөн тергөө иштеринин натыйжасында шектүү КР УККнын убактылуу кармоо жайына киргизилди.
Мындан тышкары, бул ишке катышкан башка мүмкүн болгон катышуучуларды аныктоо боюнча оперативдүү-тергөө иш-чаралары улантылууда.
