Медиа маалыматтарына ылайык, шаар үстүндө төмөн учуп жаткан учактар байкалган, ал эми Каракастын түштүк бөлүгүндө, ири аскерий базага жакын жерде электр энергиясы өчүрүлгөн. Associated Press агенттигинин баамында, кеминде жети жарылуу катталган. Азырынча Венесуэла бийлигинен расмий комментарийлер келген жок.
CNNдин кабарчысы менен жергиликтүү булак байланышып, биринчи жарылуу жергиликтүү убакыт боюнча 01:50дө (Бишкек убактысы боюнча 11:50) болгонун билдирди. "Жарылуулардан бири ушунчалык күчтүү болду, терезелер дүкүлдөп кетти", - деп билдирди кабарчы Осмарри Эрнандес.
CBS Newsтун Женнифер Джейкобс, америкалык чиновниктерге шилтеме берип, АКШнын президенти Дональд Трамп Венесуэладагы аскерий объектилерди, анын ичинде аскерий объектилерди соккуга алуу боюнча буйрук бергенин билдирди, бирок Пентагондон жана Ак үйдөн бул маалыматты расмий түрдө тастыктоо болгон жок.
Венесуэла болуп жаткан окуяларга жооп катары АКШны аскерий агрессияда айыптады. Мамлекеттик тышкы иштер министри Иван Хиль: "Бул кол салуунун максаты стратегикалык ресурстарды, мисалы, мунай жана пайдалы казыналарды ээлеп алуу, ошондой эле Венесуэланын саясий көз карандысыздыгын бузууга аракет кылуу. Аларга бул мүмкүн болбойт" - деди.
Мамлекетте өзгөчө абал киргизилди.
Мурда Дональд Трамп Венесуэлада Николас Мадуро режимине басым көрсөтүү жана анын кызматтан кетишин камсыздоо максатында аскерий операция өткөрүү мүмкүнчүлүгү жөнүндө бир нече жолу билдирген.
