Иш-чарага катышуучулардын арасында Кыргызстандык спортчулар жана болжол менен 20 өлкөдөн келген кышкы спорттун күйөрмандары бар.
Турнир жаңы баштагандар, профессионалдар жана аялдар үчүн мелдештерди камтыйт. Катышуучулар катаал кар каптаган жантайган тоолордо өздөрүнүн жөндөмдөрүн көрсөтүп, ылдамдыкка, тактыкка жана коопсуздукка көңүл бурушат. Алардын кээ бири татаал айлануу элементтерин аткарат.
Турнирдин жеңүүчүлөрү эл аралык фрирайд мелдештерине катышуу үчүн лицензия алышат. Судьялар тобуна FWT системасындагы тажрыйбасы бар профессионалдар кирди: Швейцариядан Гаэль Риборди, Василий Немченко жана Тахир Даменбаев.
Бул иш-чаранын негизги максаты — Кыргызстанды кышкы туризмдин кызыктуу багыты катары илгерилетүү, экстремалдуу спорт түрлөрүн өнүктүрүү жана спортчулар арасында тажрыйба алмашуу үчүн шарттарды түзүү.
