Бишкекте, "Алга" спорт комплексида, Мамлекеттик физкультура жана спорт агенттигин жетектеген Казыбек Молдажиев, хоккей боюнча дүйнөлүк чемпионатка даярданып жаткан улуттук жаштар командасынын машыгуу процессин текшерди.
U-20 жаштар турнири (IIHF Division III-B) 18-январдан 24-январга чейин "Бишкек Аренада" өтөт. Ага Кыргызстан, Мексика, Люксембург, Түштүк Африка Республикасы, Иран жана Гонконг командалары катышат.
Молдажиев спортчулар жогорку деңгээлдеги оюн көрсөтөт жана жеңишке умтулат деген үмүтүн билдирди. Команданын даярдыгы боюнча талкуу "Жаштык" дирекциясынын жетекчилиги, КР хоккей федерациясынын вице-президенти Эльзар Болотбеков жана башкы машыктыруучу Алексей Хакало менен да өттү.
