Азия Кубогу боюнча биринчи оюн 6-январда өтүп, 1:0 эсебинде саудия командасынын пайдасына аяктаган.
«Биз оюндун жыйынтыгы менен канааттандык. Бүгүн бизге каршы болгон бардык нерсе — судьялар, көрүүчүлөр жана Саудия Аравиясынын курамасы. Судья өзүнүн жумушун аткарды, биз он адам болуп калдык, бирок структурабызды сактап, сапаттуу коргонуу көрсөттүк. Ооба, бизге бир аз чыдамдуулук жетишпеди. Биз оюнубуздун ушул тараптарын жакшыртуу үчүн иштейбиз», — деди Дациев оюндан кийинки интервьюсунда «Кыргыз спорт ТВ» каналында.
Биринчи таймдын 34-мүнөтүндө Кытайдан келген арбитр Фу Минг Арсен Шаршенбековду чыгарды, ал эми 77-мүнөттө Кыргызстандын курамасына каршы пенальти белгиледи.
