Жаштардын Азия Кубогунун топтук этабындагы биринчи туру 6-январда Джиддада өтүп, хозяин команда 1:0 эсебинде жеңишке жетти.
Оюндун арбитри, Кытайдан келген Фу Минг, 35-мүнөттө Кыргызстандын командасынын оюнчуларынын бирин чыгарды, ал эми 77-мүнөттө кыргыз командасынын дарбазасына пенальти белгиледи.
Оюндан кийинки пресс-конференцияда Ласерде судьялык тууралуу суроого жооп берди.
«Мен арбитрдин ишине эч качан шектенбейм, мен өз күчүмө жана командама ишенем. Бирок, бүгүнкү күндө арбитрдин айрым чечимдери менде суроолорду жаратты. Биз кийинки оюнуна көңүл бурууга аракет кылабыз», - деди ал.
Фу Минг Кыргызстандын күйөрмандары үчүн 2019-жылдагы Азия Кубогунда белгилүү болгон, ал 1/8 финалдык оюнда БАЭ командасына каршы судьялык кылганда, анын чечимдери да көрүүчүлөр арасында талаш-тартыштарды жараткан.
