Архивден алынган сүрөт. Кыргызстандын улуттук командасынын башкы машыктыруучусу Эдмар Ласерда
Ласерда алардын максаты – турнирдеги сапаттуу жана көркөм футболду көрсөтүү экенин белгиледи. «Биз түшүнүп турабыз, биз түшкөн топ абдан күчтүү, бирок чакырыкка даярбыз. Биз жакшы даярдалдык жана эң мыкты футболубузду көрсөтүүгө ниеттенип жатабыз», – деп баса белгиледи ал.
Машыктыруучу ошондой эле команда атаандаштарын кылдаттык менен изилдегенин жана вьетнам командасынын техникалык жактан күчтүү жана жакшы даярдалганын белгиледи. «Аларда жакшы машыктыруучу бар, ошондуктан оңой болбойт. Биз биринчи оюнду ишенимдүү башташыбыз керек», – деди Эдмар Ласерда.
Кыргызстандын улуттук командасынын оюндардын расписаниесин эсиңиздерге салабыз (Бишкектин убактысы боюнча):
6-январь, 22:00 – Саудия Аравиясы – Кыргызстан
(принц Абдулла Аль-Файсал стадиону, Джидда);
9-январь, 20:00 – Кыргызстан – Вьетнам
(«Кинг Абдулла Спорт Сити», Джидда);
12-январь, 22:30 – Иордания – Кыргызстан
(«Кинг Абдулла Спорт Сити», Джидда).
Кыргызстандык футболчулардын Саудия Аравиясынын командасына каршы биринчи оюну турнирдын ачылышы болот.
