6-январда Джиддада (Саудия Аравия) U-23 Азия Кубогунун финалдык бөлүгү башталат, анда Кыргызстан курамасы ээлер командасы - Саудия Аравия курамасына каршы ойнойт.
Кыргыз футбол бирикмесинин маалыматына ылайык, оюн Абдулла Аль-Файсал стадионунда өтөт.
Башкы арбитр катары кытайлык судья Фу Мин дайындалды. Анын жардамчылары Сяо И (Кытай) жана Такэси Асада (Япония) болот. Резервдик судья катары Япониядан Рио Танимото чыгат.
VAR системасында судьялар Иида Дзюмпэй (Япония), Цзин Чжуан (Кытай) жана Мухаммед Абдулла (БАЭ) иштешет.
Оюн Бишкектин убактысы боюнча 22:00дө башталат. Түз трансляцияны УТРК Спорт жана Кыргыз Спорт ТВ телеканалдарынан көрүүгө болот.
