Reuters агенттигине берген интервьюсунда Бессент: «Биз нефть соодасына байланыштуу санкцияларды алып салууну пландап жатабыз. Бул кийинки жумада болушу мүмкүн» деп билдирди.
Ал ошондой эле венесуэлалык активдер $5 миллиардга бааланганын жана азырынча муздатылган абалда экенин баса белгиледи. Мындан тышкары, министр Венесуэла менен кызматташууну кайра жандандыруу боюнча Эл аралык валюта фонду жана Дүйнөлүк банк жетекчилиги менен жолугушууну пландап жатат. Бессент блоктолгон активдер өлкөнүн экономикасын калыбына келтирүү үчүн колдонулушу мүмкүн экенин кошумчалады.
