Учурда фонддун уставдык капиталы $600 миллионду түзөт. Туруктуу долбоорлор портфелин түзгөндөн кийин, фонд катышуучу өлкөлөрдүн үлүшүн жогорулатуу жана эл аралык финансылык рынокторго чыгуу аркылуу капиталды көбөйтүүнү көздөп жатат.
Рамиль Бабаев ресурстардын өсүшү менен фонд масштабдуу стратегиялык долбоорлорду финансылоого мүмкүнчүлүк алаарын, бул инвестицияларды тартуу үчүн жаңы мүмкүнчүлүктөрдү түзөөрүн белгиледи. Бул, өз кезегинде, фонддун кредиттик жана инвестициялык мүмкүнчүлүктөрүн кыйла кеңейтет.
Башкы директор ошондой эле кийинки он жылдын ичинде фонд трансчек ара сооданын, инвестиция агымдарынын жана түрк регионундагы өз ара байланыштын жогорулашын күтүп жатканын айтты. Ал эл аралык өнөктөштөрдү тартуу жана мамлекеттердин глобалдык атаандаштыкка жөндөмдүүлүгүн жогорулаткан маанилүү долбоорлорду каржылоо аркылуу бул процессерге активдүү катышууга ниеттенерин билдирди.
Маанилүү белгилеп өтүүчү нерсе, Түрк инвестициялык фондун түзүү чечими 2022-жылдын 11-ноябрында Түрк мамлекеттеринин уюмунун 9-саммитинде кабыл алынган. Фонддун курамына Азербайжан, Венгрия, Казакстан, Кыргызстан, Түркия жана Өзбекстан сыяктуу өлкөлөр кирет. Фонддун негизги милдети ОТГ өлкөлөрүнүн экономикалык өнүгүүсүнө регионалдык сооданын көлөмүн көбөйтүү жана экономикалык активдүүлүктү колдоо аркылуу көмөктөшүү болуп саналат.
