Бул долбоорлорду каржылоонун негизги булагы республикалык бюджет, чет өлкөлүк гранттар жана гуманитардык жардам, ошондой эле чет өлкөдөн алынган кредиттер, калктын каражаттары жана Кыргызстандык резиденттердин кайрымдуулук жардамы болду. Бул булактар жалпы каржылоонун 95,8%ын түздү.
Ошол эле учурда, пайдалы казындыларды өндүрүү тармагында негизги капиталга инвестицияларды пайдалануу деңгээли 1,6 эсе кыскарды. Бул тармакта каржылоонун негизги булактары ишканалардын жана уюмдардын каражаттары, чет өлкөлүк кредиттер жана түз чет элдик инвестициялар болуп, жалпы көлөмдүн 99,3%ын түздү.
