Келишим Бакытым Сыдыков менен Япониянын тышкы иштер министри Тосимицу Мотэги арасында кол коюлду. Бул документ кирешелер боюнча эки жолу салык салууну жоюуга багытталган жана салык төлөөдөн качууну алдын алууга арналган.
Келишим эки өлкө арасында так салыктык мамилелерди орнотууга мүмкүндүк берет, ар бир мамлекетке белгилүү кирешелерди салык салуу укугун бекемдейт. Ал ошондой эле эки жолу салык салууну жоюу менен байланышкан кепилдиктерди камтыйт, бул болсо соода көлөмүн көбөйтүү жана Кыргызстан экономикасына чет өлкөлүк инвестицияларды тартуу үчүн жагымдуу шарттарды түзөт.
Келишимге кол коюу менен катар, бизнес форумдун алкагында Бакыт Сыдыков жана Япониянын тышкы соода өнүктүрүү уюмунун (ДЖЕТРО) генеральдык директору Ишигуро Норихико «Кыргыз Экспорт» экспортту өнүктүрүү жана илгерилетүү борборунун потенциалын өнүктүрүү боюнча иш-аракеттер планын талкуулашты. Бул борбор ДЖЕТРО менен кызматташтыкта иш алып бармакчы.
Документ «Кыргыз Экспорт» борбору менен ДЖЕТРО ортосундагы кызматташтык боюнча мурда түзүлгөн Меморандумду практикалык жүзөгө ашыруу үчүн кол коюлган, ал 2024-жылдын 10-августунда Астанада расмий түрдө түзүлгөн.
Мындан тышкары, визит учурунда Кыргызстан менен Япониянын ортосунда соода, экономика, маданият жана адам ресурстарын алмашуу маселелери боюнча өкмөттөр аралык комиссия түзүү боюнча келишимге жетишилди.
