Министрлер кабинетинин маалыматына ылайык, жаңы система жеткирүүчүлөр, жооптуу адистер жана башка структуралык бөлүмдөр ортосунда өз ара аракеттенүү үчүн бирдиктүү санариптик мейкиндикти түзөт, тарифтик квоталарды бөлүштүрүүгө катышуунун жеткиликтүү жана ачык механизмин камсыздайт.
Жеткирүүчүлөр үчүн артыкчылыктар:
- quota.agro.gov.kg порталында онлайн режиминде катталуу;
- тарифтик квоталарга электрондук арыздарды берүү мүмкүнчүлүгү;
- арыздардын статусун көзөмөлдөө жана электрондук почта аркылуу билдирүүлөрдү алуу.
Жүйөнүн негизги функциялары:
- бирдиктүү портал аркылуу электрондук форматта арыздарды кабыл алуу;
- Юстиция министрлигинин базалары аркылуу компаниялардын маалыматтарын автоматтык текшерүү;
- жаңы жана иштеп жаткан жеткирүүчүлөр арасында тарифтик квоталарды адилеттүүлүк принциптерине ылайык үч этапта бөлүштүрүү;
- импорттун көлөмүн онлайн мониторингдөө жана аналитикалык отчетторду түзүү;
- арыздардын, квоталардын жана берилген жыйынтыктардын электрондук реестрлерин жүргүзүү, PDF форматында жүктөп алуу мүмкүнчүлүгү.
Күтүлгөн натыйжалар:
АИСти киргизүү тарифтик квоталарды бөлүштүрүү процессинде кагазсыз документ жүгүртүүнү ишке ашырууга мүмкүндүк берет, бул кабыл алынган чечимдердин ачыктыгын жогорулатат жана адам факторунун таасирин минималдаштырат. Арыздарды иштетүү мөөнөттөрүнүн кыскарышы, ведомстволордун ишинин натыйжалуулугунун жакшыртылышы жана бизнес менен мамлекеттик квоталоо процессине болгон ишенимдин бекемделиши күтүлүүдө.
