Ведомствонун башчысы октябрь айында бир айда бюджетке 16,2 миллиард сомдук түшүмдү камсыз кылган тарыхый көрсөткүчкө жеткенин белгиледи. Жетишкендиктер менен токтоп калбай, ноябрь айында кызмат кайрадан рекордду жаңыртып, 19,5 миллиард сом жыйнады.
Салиев ошондой эле, 2025-жылга Кабинет министри тарабынан белгиленген 128,4 миллиард сомдук план мөөнөтүнөн мурда — ноябрдын ортосуна чейин аткарылганын кошумчалады. Ал эми декабрдын үчүнчү декадасына чейин бул көрсөткүч 151,6 миллиард сомго чейин жогорулаган. Жылдын аягында бажы төлөмдөрүнүн түшүмү болжол менен 157 миллиард сомду түзөт деп күтүлүүдө.
