Делегат 2% салыкты жергиликтүү бюджетке жөнөтүүнү өтүндү.
Президент бул 2% акчалардын облус бюджетине түшүп жатканын белгиледи.
Алынган каражаттарды бөлүштүрүү боюнча маалымат төмөнкүчө:
- Нарын облусундагы «Тенир-Тоо» өнүктүрүү фонду — 60 млн 603 миң сом,
- Нарын районунун өнүктүрүү фонду — 36 млн 362 миң сом,
- Мин-Булак айылдык өнүктүрүү фонду — 24 млн сом.
Мындан тышкары, социалдык пакеттин алкагында Мин-Булак фондуна 50 млн сом бөлүнөт.
«Сиздер бул каражаттардын кандай пайдаланылганын текшере аласыздар, уурдалган-уурдалбаганын. Эгер уурдоо фактыларын байкасаңыздар, билдирүүдөн тартынбаңыздар», - деди президент катышып жаткан делегаттарга.
Маалымат:
«Солтон-Сары» кениси Кыргызстандагы Нарын облусунда жайгашкан жана Бучук, Ак-Таш, Алтын-Тор участокторун камтыйт, болжол менен 20 тонна алтын запасы бар. Бул кенде Кытайдын «Zhong Ji Mining», Индиянын Avelum Partner жана мамлекеттик «Кыргызалтын» компаниясы сыяктуу бир нече компаниялар иш алып барууда.
«Солтон-Сары» кениси картада
