2026-жылдын 15-январында Кыргыз Республикасынын суу ресурстары, айыл чарба жана кайра иштетүү өнөр жайы министринин орун басары Мирбек Дуйшеевдин визити өттү. Сапардын алкагында ал «Айыл Банк» ААКсынын жана «Элдик Банк» ААКсынын жетекчилиги менен Москва жана Сокулук райондорун зыярат кылды.
Министрликтин маалымат кызматы билдиргендей, визиттин максаты мамлекеттик программалардын алкагында жеңилдетилген кредиттерди пайдаланган мал чарбачылыгы менен алектенген чарбаларды зыярат кылуу болду.
Сапардын негизги максаты жеңилдетилген кредиттик ресурстарды пайдалануунун натыйжалуулугун баалоо жана долбоорлордун жыйынтыктарын талдоо болду. Фермерлер жана ишкерлер менен болгон жолугушууларда эт өндүрүшүн көбөйтүү, айыл чарба малдарынын санынын көбөйтүлүшү, инфраструктураны модернизациялоо жана айылдык райондордо жаңы жумуш орундарын түзүү маселелери талкууланды.
Визиттин жыйынтыгы боюнча жеңилдетилген кредит берүү мал чарбачылыгын өнүктүрүүнү, айыл чарбага инвестицияларды активдештирүүнү жана өлкөнүн азык-түлүк коопсуздугун бекемдөөгө олуттуу түрдө түрткү берерин белгиленди. Жыйналган маалыматтар жана сунуштар бул тармакты мамлекеттик колдоонун механизмдерин жакшыртуу үчүн пайдаланылат. ```
