Иш-чаранын максаты агрардык секторду колдоо жана фермерлер арасында билим деңгээлин жогорулатуу болду. Ярмарка «Фергана өрөөнүндөгү сугат боюнча өнөктөштүк» долбоорунун алкагында уюштурулду. Анын ишине Ош облусундагы президенттин биринчи орун басары Илияз Ташбаев, ошондой эле ишкерлер жана фермердик чарбалардын өкүлдөрү катышты.
Ачылышында сүйлөгөн И. Ташбаев бул окуянын жөн гана көргөзмө эмес, айыл чарба тармагында тажрыйба алмашуу, билимди кеңейтүү жана жаңы мүмкүнчүлүктөрдү түзүү үчүн маанилүү платформа экенин баса белгиледи.
Ал «Агро Караван – 2026» ярмаркасынын негизги максаты катышуучуларды заманбап сугат технологиялары менен тааныштырууу, жеткиликтүү каржылык сунуштар жөнүндө маалымат берүү жана өндүрүүчүлөр, каржы мекемелери жана консультанттар ортосунда түз байланыштарды түзүүгө жардам берүү экенин кошумчалады.
2025-жылга карата маалыматтар боюнча, аймакта 400 гектардан ашык заманбап сугат системалары киргизилген, ал эми 2026-жылга чейин бул аянтты 600 гектарга чейин көбөйтүү пландалууда.
