Филармониянын директору 48 жаштагы Насирдин Тегин Асылбек Төлөн уулу болуп дайындалды, ал үч айлык сынак мөөнөтүндө болот. Жаңы дайындоо 2025-жылдын 29-декабрында маданият, маалымат жана жаштар саясаты министринин орун басары Союзбек Надырбеков тарабынан жарыяланды.
Насирдин Тегин Асылбек Төлөн уулу 1978-жылдын 1-октябрында Бишкекте төрөлгөн.
Билими
- 1995-жыл — П. Шубин атындагы борбордук балдар музыкалык мектеби, комуз классы;
- 1998-жыл — М. Кереңкеев атындагы музыкалык училище;
- 2005-жыл — К. Молдобасанов атындагы Кыргыз улуттук консерваториясы;
- 2008–2010-жылдар — Кыргыз улуттук консерваториясында ассистент-стажёр;
- 2022–2023-жылдар — опера-симфониялык дирижердук адистиги боюнча билим алуу (азыркы учурда академиялык отпускта).
Кесиптик тажрыйба
- 2005–2013-жылдар — Бишкек шаардык драма театрынын алдындагы «Саамал» фольклордук ансамблинин жетекчиси;
- 2014-жыл — Т. Абдумомунов атындагы Улуттук драма театрында иштөө;
- 2013–2016-жылдар — «Эл ырчысы Эстебес» фольклордук коллективинин артисти;
- 2014–2022-жылдар — Кыргыз улуттук консерваториясынын улуттук аспаптар кафедрасында улук окутуучу.
Ал ошондой эле Кыргызпатентте катталган бир нече музыкалык чыгармалардын автору, алардын арасында «Улуу көч», «Чабарман», «Токой аралап», «Жомок», «Асанбайдын элеси», «Бий», «Кербен», «Кыргыз жолу», «Балбал түн», «Жалбырактар саргайганда», «Сагындым сени», «Жеңиш», «Мекеним менин Кыргызстан», «Сүйүү жазы», «Жорголор», «Жарыш», «Бул дүйнө», «Күү майрам» жана башкалар бар.
Мурда филармонияны Муктар Кырбашов жетектеген, ал өткөн жылы ноябрь айында узак оорудан кийин дүйнөдөн кайткан.
