Роял 15-декабрда сатып алынган, ал эми маданият министри Мирбек Мамбеталиев АКИpress үчүн берген интервьюсунда анын баасы 25 миллион сомду түзөөрүн белгиледи.
Иш-чарада өкмөт башчысынын орун басары Эдиль Байсалов, маданият, маалымат жана жаштар саясаты министри Мирбек Мамбеталиев, театрдын директору Муратбек Бегалиев, ошондой эле искусство жана маданият тармагынын өкүлдөрү катышты.
Ведомстводо театрдагы роялдарды алмаштыруу маселеси 1980–1990-жылдардан бери чечилбей келгенин белгилешти.
«Дүйнөдө концерт роялдарын өндүргөн жыйырмага жакын белгилүү өндүрүүчүлөр бар. Бирок симфониялык оркестрлер менен чыгышкан 94% пианисттер Steinway инструменттерин тандайт», — деп айтылат пресс-релизде.
Учурда театр үчүн заманбап үн жана жарык жабдууларын сатып алуу боюнча тендерлер да өткөрүлүүдө.
