Энергетика министрлигинин маалымат кызматынын маалыматы боюнча, жаңы подстанциянын камтыган аянты 500 чарчы метрди түзөт.
Проект ОАО «НЭСК» жана Баткен шаардык администрациясынын биргелешкен аракеттери менен ишке ашырылган.
Жалпысынан проектти ишке ашырууга 55 млн 758 миң сом бөлүнгөн, анын ичинен:
• Баткен электр тармактары ишканасы 19 млн 958 миң сомго кошумча материалдарды сатып алган.
• Баткен мэриясы 35 млн 800 миң сомго жабдууларды сатып алган.
Курулуш иштерин Баткен электр тармактары ишканасы өз ресурстарын колдонуп жүргүзгөн.
Подстанциянын ачылышы менен Жаңы-Достук айылына, өнөр жай зонасына, «Баткен Сити» турак жай массивине, 10 миң көрүүчүгө ылайыкташкан жаңы стадионго, Чет-Булак кварталындагы үйлөргө, Бужум айылына, Россия Федерациясынан курулуп жаткан мектепке жана 2224 турак үйгө электр энергиясы камсыздалат.
Мындан тышкары, жаңы подстанция төмөнкү подстанцияларга электр энергиясын камсыздайт:
• Кара-Булак 35/10 кВ;
• Кара-Токой-1 35/10 кВ;
• Кара-Токой-2 35/10 кВ;
• Ширечь 35/10 кВ.
Подстанция жаңы 110 кВ «Айгуль-Таш – Центральная» аба линиясына туташтырылган, ал подстанциядан болгону 150 метр алыстыкта жайгашкан.
