Метеорология кызматынан алынган маалыматка ылайык, лавина болушу мүмкүн болгон эң кооптуу жол участоктору төмөнкүлөрдү камтыйт:
Бишкек–Ош — 198–255 км (Ала-Бел ашуусу, Чычкан капчыгайы);
Ала-Бука – Каныш-Кыя — 65–110 км;
Кызыл Гора – Ак-Таш — 0–3 км;
Мырза-Аке – Кара-Кулжа – Алайкуу — 65–101 км;
Каракол – Эңилчек — 45–90 км (Чоң-Ашуу ашуусу).
Жол жүрүүчүлөргө жогорку коопсуздук чараларын сактоосу сунушталат. Лавина кооптуу участоктордон өтүүдө транспорт каражаттарынын ортосундагы аралык 500 метрден кем болбошу керек.
Ошондой эле, МЧС жарандарды аба ырайынын начарлашы шартында тоо ашууларынан өтүүдөн мүмкүн болушунча качууга жана жолдордун абалы тууралуу алдын ала маалымат алууга чакырат.
