Кыргызстандын тоолуу аймактарында аба ырайынын начарлашы менен лавина түшүү коркунучу күтүлүүдө. Бул тууралуу Өзгөчө кырдаалдар министрлигинин маалымат кызматы билдирет.
Министрликтин маалыматына ылайык, Бишкек - Ош (198–255 км, Ала-Бель ашуусу, Чычкан капчыгайы) жана Каракол - Энильчек (45–90 км, Чон-Ашуу ашуусу) автожолдорунун аймактарында кар лавиналарынын түшүшү болжолдонууда, ошондой эле кардын калыңдыгы, кар катмары жана тайгактык болушу мүмкүн.
Жүргүнчүлөргө унаалардын ортосунда 500 метр аралыкты сактоосу сунушталат.
