Комитет 2025-жылга карата Табигый ресурстар, экология жана техникалык көзөмөл министрлигинин иши тууралуу маалымат угуп жатат.
Анын айтымында, аныкталган мыйзам бузуулардын жалпы зыяны мамлекетке 143 млн 280 миң сомду түздү. 2024-жылга салыштырганда аныкталган мыйзам бузуулардын саны 3033 учурга көбөйдү.
Бир катар талаптарды катуу бузуу менен байланыштуу бир нече ишкананын иши убактылуу токтотулду.
Алардын арасында:
• атмосфераны булгаган асфальт-бетон жана кирпич заводдору;
• көмүр жана пайдалы казындыларды казып алуу жана кайра иштетүүчү ишканалар;
• уруксат берүүчү документтери жок өнөр жай объектилери;
• коопсуздук талаптарына жооп бербеген аттракциондор;
• мыйзам бузуу менен иш алып барган калдыктарды сактоо жайлары жана полигондор.
Кээ бир ишканалар мыйзам бузуулары жоюлгандан кийин ишин кайра баштады. Талаптарды аткарбаган адамдарга ишин токтотуу жана лицензияларды кайтарып алуу боюнча чаралар көрүлүүдө.
