Анын айтымында, өсүмдүк жана жаныбар дүйнөсүнүн объектилерин пайдалануу, ошондой эле аңчылык күбөлүктөрүн жана уруксат документтерин берүү үчүн 197 млн 289 миң сом түшкөн. Бул 2024-жылга салыштырмалуу 18 млн 523 миң сомго көп.
Раимкулова ошондой эле экологиялык тармактагы контролду жакшыртуу үчүн арналган «Синтез» электрондук маалымат базасынын ишке киргизилгенин билдирди. Бул система уруксат документтеринин борборлоштурулган эсепке алынышын, алардын пайдаланылышын камсыз кылат жана контрабанда учурларын каттоого жардам берет.
Министрдин орун басарынын айтымында, санариптик технологияларды колдонуу уруксаттарды берүү процессинде ачыктыкты жогорулатууга жана табигый ресурстарды пайдаланууга көзөмөлдү күчөтүүгө жардам бериши керек.
