Ысык-Көл облусунда кыштоочу ак лебеддерди азыктандыруу уюштурулду, бул тууралуу КРдин Табигый ресурстар, экология жана техникалык көзөмөл министрлигинин басма сөз кызматы билдирди.
Ведомствонун маалыматы боюнча, Ысык-Көл аймагынын экологиялык жана техникалык кызматтын инспекторлору жапайы жаратылышты жана анын тургундарын коргоо максатында Ысык-Көлдүн жээгинде лебеддерди азыктандыруу акциясын өткөрүштү.
Кыш мезгилинде канаттуулардын табигый азык булактары кыйла азайып кетет, ошондуктан алар үчүн туруктуу жана коопсуз тамак-аш менен камсыз кылуу негизги приоритет болуп калды.
«Бул иш-чара ак лебеддердин популяциясын сактоого жана табигый чөйрөдөгү экологиялык тең салмакты камсыз кылууга багытталган», - деп билдиришти.
