Маалыматка ылайык, рейд табигый ресурстарды жана биологиялык ар түрдүүлүктү коргоо бөлүмүнүн кызматкерлери тарабынан уюштурулган.
Жаңы жыл мезгилинде Баткен облусунда мыйзамсыз орман кесүүнү жана аңчылыкты алдын алуу максатында атайын буйрук боюнча туруктуу рейддер жана текшерүүлөр өткөрүлүүдө.
Рейд учурунда 11 мыйзам бузуу фактысы катталган. Жоруктар кодексине ылайык, 11 жаранга 60 500 сомдук жалпы суммада айыппул салынган, ошондой эле 20 515 сомдук зыянды өндүрүү боюнча доо коюлган.
Эксперттер мындай табигатты коргоо жана биологиялык ар түрдүүлүктү сактоо боюнча иш-чаралар туруктуу негизде өткөрүлө турганын белгилешти.
