Жергиликтүү бийликтин маалыматына ылайык, 2025-жылдын 29-декабрында Табият ресурстары, экология жана техникалык көзөмөл министрлиги тарабынан уюштурулган «Эң таза шаар» жана «Эң таза айылдык аймак» конкурстарынын жеңимпаздарына сыйлык тапшыруу аземи өттү.
Конкурстун жыйынтыгында Орловка III орунду ээлеп, сыйлык катары үч дөңгөлөктүү мотороллер алды.
Шаардык мэрия бул жетишкендик жергиликтүү тургундардын жана ар кандай уюмдардын кызматташтыгынын натыйжасы экенин белгиледи. Жеңишке жетүүгө чоң салым кошкон «Орловск шаардык коммуналдык чарба» муниципалдык ишканасынын кызматкерлерине өзгөчө ыраазычылык билдирилди. Маалыматта «катуу кышкы суук жана жайкы ысыкка карабастан, ишкананын кызматкерлери шаарды дайыма таза, көрктүү жана жашылдандыруу менен камсыз кылышат. Эгер ар бир жаран тазалык маселелерине жоопкерчилик менен караса, келечекте дагы ушундай жетишкендиктер болот», - деп кошумчалашты муниципалитетте.
