Министрликтин басма сөз кызматынын маалыматына ылайык, Табигый ресурстар министри Медер Машиев жеңүүчүлөргө сертификаттарды жана ар кандай номинациялар боюнча баалуу сыйлыктарды тапшырды:
- Нарын облусунун Ат-Баши районундагы Ак-Муз айылдык аймагына «Шумкар» маркасындагы автотехниканы алуу үчүн сертификат берилди;
- Баткен облусунун Раззаков шаарына таштандыларды сорттоо линиясы үчүн сертификат берилди;
- Чүй облусунун Орловка шаарына үч дөңгөлөктүү мотороллер түрүндөгү сыйлык кошумча берилди.
Иш-чаранын жүрүшүндө экологиялык тармакты өнүктүрүүгө чоң салым кошкон өнөктөштөр да белгиленди.
Конкурс жергиликтүү өз алдынча башкаруу органдарын калктуу конуштардын санитардык абалын жакшыртууга, жарандар арасында экологиялык маданиятты жогорулатууга жана катуу үй-бүлөлүк калдыктарды башкаруунун натыйжалуу системасын түзүүгө стимул берүү максатында уюштурулган, деп айтылат билдирүүдө.
