Ал «Кыргызалтын» компаниясы бул кенде өндүрүш процессин өз алдынча уюштурууну пландап жатканын белгиледи.
«Биринчи этапта титандуу магнитит менен руда бөлүнөт. Алынган руда эки категорияга бөлүнөт: бири — титандуу магнитит, экинчиси — ар кандай кошумча пайдалы казындыларды камтыган комплекс рудасы. Бул эки компонент ар кандай өндүрүш кубаттуулугунда кайра иштетилет. Комплекс рудасы Кара-Балта кен-байытуучу комбинатына кайра иштетүүгө жөнөтүлөт», - деп түшүндүрдү министр.
Машиев ошондой эле титанды темирден бөлүп алуу менен алектенген жаңы өндүрүштү түзүү зарылдыгын кошумчалады.
«Биз ушул өндүрүш боюнча өнөктөштөр менен сүйлөшүүлөрдү жүргүзүп жатабыз. Алар заманбап технологияларды изилдеп, ар кандай компаниялардын өкүлдөрү менен жолугушууларды өткөрүп жатышат», - деп жыйынтыктады министр.
Кызыл-Омпол кенинин 10 участоктун болжолдуу картасы.
Сары жана жашыл зоналар (Таш-Булак участогу) ачык участокторду билдирет.
Көк зоналар негизги участокторду көрсөтөт.
