Анын маалыматына ылайык, интеграциянын толук аякташы 2026-жылга пландалган.
«Бул долбоордун натыйжасында «Тулпар» карталарынын колдонуучулары Ташкенттеги коомдук транспортто өз сапарларын төлөөгө мүмкүнчүлүк алышат, ал эми шаар тургундары Бишкекте жүрүү үчүн өз карталарын пайдалана алышат», — деди Акматбеков.
Мындан тышкары, ал «Тулпар» долбоору Кыргызстанда өзүнүн катышуусун кеңейтүүнү пландап жатканын кошумчалады.
«Учурда биз бир нече шаарлар менен сүйлөшүүлөрдү жүргүзүп жатабыз. Эгер келишимге жетсек, мүмкүн, кийинки жылы Балыкчы, Нарын жана Кара-Балта шаарларында долбоор башталат», — деп жыйынтыктады Бекжан Акматбеков.
