Ал мындай долбоорду ишке ашыруу курулуш этапында жана андан кийинки пайдалануу процессинде олуттуу финансылык салымдарды талап кыларын белгиледи. «Метронун натыйжалуулугу калкынын тыгыздыгынан жана жүргүнчүлөр агымынан көз каранды, эгер жетиштүү концентрация жок болсо, анда бул абдан чыгымдуу. Чоң суммага инвестиция салуунун ордуна коомдук транспорттун ишин жакшыртуу акылдуураак болмок», — деп кошумчалады Гришечкина.
Жалпы талкуулар учурунда Аламедин жана Ала-Арча дарыяларынын жээгинде өтө турган монорельс куруу варианты да каралды. Бирок архитектордун айтымында, мындай маршруттар шаардагы борбордук райондорду камтыбайт жана монорельс менен жүрүү станцияларга жетүү үчүн кошумча күч-аракетти талап кылат. Ал мындай долбоор эстетикалык жактан да жагымсыз экенин жана трамвай линиялары үчүн зарыл болгон орунду ээлеп алаарын баса белгиледи.
Гришечкина келечекте, шаарды активдүү өнүктүрүү шартында метрону колдонуу муктаждыгы пайда болушу мүмкүн экенин, бирок учурда анын ишке ашырылышы максатка ылайыктуу эместигин жыйынтыктады.
