Анын айтымында, алтын запастардын негизги бөлүгү Кумтордо топтолгон.
«Кумтордо геологиялык изилдөө иштеринин натыйжасында 2024-жылы запастар 147 тоннага көбөйөт деп күтүлүүдө. Учурда биз жаңы горизонтторду жана аянттарды изилдеп жатабыз. Тоголок кен жайы боюнча запастарды дагы 180–200 тоннага көбөйтүү боюнча үмүттүү план бар, ал Кумтордун жанында жайгашкан жана иштетүүгө берилген. Кенди кайрадан изилдөө иштеринин жыйынтыгы боюнча Тоголокто запастар 2 тоннага көбөйдү. Учурда Тоголокто алтынды казып алуу фабрикасын куруу боюнча экологиялык экспертиза өтүүдө. Курулуш келерки жылы башталат», - деди министр.
Ал ошондой эле, активдүү иш алып барган башка орто жана кичи алтын кендери бар экенин белгиледи. Изилдөө иштеринин жыйынтыктары жыл ичинде Мамлекеттик комиссияга берилет.
Мындан тышкары, Машиев өлкөдө 1200 тонна күмүш, 12 000 тонна мыс жана болжол менен 1,8 миллиард тонна көмүр запастары бар экенин билдирди.
«Бул негизги пайдалы казындылар. Көрсөтүүлөр жыл ичинде өзгөрүлүп турушу мүмкүн, анткени жаңы эсептөөлөр жүргүзүлүүдө. Мамлекеттик комиссиянын ишинин жыйынтыгы боюнча запастар көбөйүшү мүмкүн, ал эми казып алуучу компаниялардын отчеттору боюнча кыскарышы мүмкүн. Ошентип, бул маалыматтар «агып туруучу» болуп, дайыма актуалдаштырууга муктаж», - деп жыйынтыктады министр.
