Бул БПЛАнын канаттарынын жайылышы 25 метрди түзөт жана максималдуу учуу массасы 16 тонна, ал эми ал алты тонна жүк көтөрүүгө жөндөмдүү. "Цзютянь" 100дөн ашык дрон же кичинекей ракета учурууга мүмкүнчүлүк берет. Анын учуу аралыгы 7 миң километрге чейин, максималдуу учуу бийиктиги болсо 15 миң метр.
Модулдук конструкциясы жана ар кандай жабдыктар менен контейнерлерди тез алмаштыруу мүмкүнчүлүгүнүн аркасында, "Цзютянь" аскердик операцияларда гана эмес, ошондой эле жүк ташуу жана логистикада, байланыштарды калыбына келтирүү жана өзгөчө кырдаалдарда куткаруу жабдыктарын жеткирүү, ошондой эле картографиялоо жана геологиялык изилдөөлөрдө колдонулат.
2024-жылы Чжухайдагы Airshow China көргөзмөсүндө "Цзютянь" биринчи жолу көрсөтүлүп, аскердик мүмкүнчүлүктөрү менен маалымат каражаттарынын көңүлүн бурду. Дрондун иштелип чыгышы мамлекеттик аэрокосмостук жана коргонуу корпорациясы AVIC тарабынан жүргүзүлгөн.
Кытай бийлиги оор жана автономдуу авиациялык платформаларды өнүктүрүүнү аскердик жана жарандык секторлорду модернизациялоонун негизги багыттарынын бири катары тааныйт. "Цзютянь" дронун эксплуатацияга киргизүү мөөнөттөрү дагы эле жарыяланган жок, бирок биринчи учуу мамлекеттик маалымат каражаттары тарабынан жаңы ири БПЛАларды түзүү боюнча "прорыв" деп аталды.
