Бул аймактагы Кытайдын түз чет элдик инвестицияларын (ТЧИ) талдоодо экономика секторлоруна байланыштуу бир нече негизги тенденциялар белгиленет.
Изилдөөчүлөр Кытайдын инвестицияларынын кайра иштетүү өнөр жайында байкалаарлык өсүш болуп жатканын, ал 9 пайыздык пунктка жогорулап, 22% га жеткенин, ошондой эле энергетикада 8 пайыздык пунктка өсүп, 12% га жеткенин баса белгилешет.
Кайра иштетүү өнөр жайы инвестициялар үчүн маанилүү багытка айланды, анткени Кытайдын ушул сектордогу жыйналган ТЧИ 5 миллиард доллардан 14,5 миллиард долларга чейин өстү, анын үлүшү 13% дан 22% га чейин жогорулады.
«Негизги өсүш 2019-жылдан баштап байкалууда, бул металлургия, химия, машина куруу жана чийки затты кайра иштетүү сыяктуу ири долбоорлордун ишке ашырылышы менен байланыштуу», - деп белгиленет отчетто.
Кытайдын ТЧИнин структурасы Евразия аймагындагы өлкөлөрдө чийки зат секторлорунун үстөмдүгүнөн көбүрөөк диверсификацияланган инвестициялык портфелге өтүүнү көрсөтүп жатат.
