Уюштуруучулардын айтымында, "Быйыл магия өзү Бишкекке, ар кандай Вселеналар менен кесилишип келет! 27-декабрда Кыргыз улуттук филармониясынын чоң залындагы сахна Гарри, Гермиона жана Ронду тосуп алат, алар Хогвартстагы сабактарын убактылуу таштап кетишет. Эльза жеңил муздак маанай тартуулайт, бирок музыкалык гана! Дядя Скрудж, кыжырданса да, жан дүйнөсүндө мерекеге кубанып жатат, ал эми Кевин… Кевин дайыма даяр!"
Бул шоу – жаңы жылды жогорку деңгээлде жана жомоктуу өткөрүү мүмкүнчүлүгү, Нура Омурбаевдин жетекчилигиндеги Кыргызстан Эстрадно-симфониялык оркестринин чыгышын угуп, ырахаттануу. Көрүүчүлөрдү жомоктуу мелодиялар, чын жүрөктөн чыккан күлкү жана толук чөмүлүү атмосферасы күтүп турат.
Бул концертте дүйнөлөр кесилишет, бирок кагылышпайт. Бул жерде жакшы юмор үстөмдүк кылат, ал эми магия, оркестр үн чыгара баштаганда жана зал жарыкка толгон учурда, жаңы жылды баштайт! "Келгиле - магл болсоңуз да. Бул кечте кереметтер баарына жеткиликтүү!" - деп белгилешти уюштуруучулар.
Чыгышка ошондой эле Юлия Остапенконун жетекчилигиндеги Liberty камералык хору кошулат.
Дирижер – Кыргыз Республикасынын эмгек сиңирген маданият кызматкери Нур Омурбаев.
