2026-жылдын 4-5-февралында Бишкекте B5+1 Форуму (Бизнес Борбордук Азия – АКШ) өтөт, аны Кыргыз Республикасынын Экономика жана соода министрлиги Эл аралык жеке ишкердик борбору (CIPE) менен биргеликте уюштурат.
Бул форум Борбордук Азия – АКШ дипломатиялык форматынын C5+1 алкагында маанилүү бизнес-платформа болуп саналат жана Кыргыз Республикасынын Министрлер Кабинетинин жана CIPEнин колдоосу менен өткөрүлөт.
Иш-чарага Борбордук Азия менен Америка Кошмо Штаттарынын ортосундагы регионалдык диалогду бекемдөөгө кызыкдар жеке сектордун өкүлдөрү, бизнес ассоциациялары жана эксперттер катышат деп күтүлүүдө.
Катышуучулар үчүн биринчи этапта катталуу 2025-жылдын 26-декабрында аяктайт, ал эми акыркысы 2026-жылдын 15-январында. Катталуу катышууну тастыктабай турганын эске алыңыз. Официальдуу билдирүүлөр бардык арыздарды карап чыккан соң 2026-жылдын январь айынын аягына чейин жөнөтүлөт.
Форум тууралуу кошумча маалыматты CIPEнин расмий сайтынан таба аласыз:
https://www.cipe.org/projects/b51-forum/
