Ведомствонун маалыматына ылайык, Жалал-Абад облустук бириктирилген клиникалык ооруканасында эки эгиз төрөлүү, Бишкектеги Шаардык перинаталдык борбордо – бир эгиз, Ош шаардык төрөт үйүндө дагы бир эгиз төрөлдү.
31-декабрь күнү саат 8:00дөн 1-январь күнү саат 8:00гө чейин өлкөдө 177 уул, 190 кыз төрөлдү, алардын тогузу кесарево жолу менен төрөлгөн.
1-январь күнү саат 00:00дөн 00:10га чейин 11 бала төрөлдү: алты уул жана беш кыз.
2026-жылы биринчи төрөлгөн бала 3,915 килограмм салмактагы кыз болуп, Иссык-Ата районундагы жалпы дарыгерлик практика борборунда так түн ортосунда жарыкка келди.
Эң көп төрөлүү Жалал-Абад облусунда (81), Ош шаарында жана Ош облусунда (68), ошондой эле Бишкекте (69) катталды.
